Arsaa huaa ibadat gaah ka rukh kiye hue
Jaate nahiiN hum udhar kabhi bhi piye hue
Gham to bahana hai kuch bhuultaa nahii
Bas kat rahii hai ke zamaana hua jiiye hue
Kya roz aayeN jayeN maiqada hi ghar bana
YahiiN milte haiN ham apnii pyaas liye hue
Jab jiite thay to piite na thay, ab piite haiN
Arsaa guzar gayaa jiine se tauba kiiye hue
Har raat tauba har shaam talab, par kyuN
Saare din yaad aate haiN unke dard diye hue
Uski parastish se to behter hai mai parasti
Ik roz saath hii jayegii humaari jaan liye hue.
No comments:
Post a Comment